11jir qur'aanka dhamaysay

June 2, 2003
Faarax Cumar

Muqdisho - Xaflad qalin jabin oo loo sameeyay Caa'isha C/raxmaan Xasan Jimcaale oo ah gabar 11jir ah dhamaysayna barashada iyo xifdinta qur'aanka Kariimka ayaa maanta xafladii qalinjabinteeda lagu qabtay dugsiga Salaaxu Diin Al-ayuubi ee magaalada Muqdisho.


Xafladan oo aad loo agaasimay waxaa ka qayb galay mashaa'iqda ay ka mid yihiin Sh.Nuur Macalin C/raxmaan ,Sh.Xasan Dheere,Sh.Yuusuf Caynte, Sh.Tuur xume iyo kuwa kale waxaa muxaadarooyinkii ay soo jeediyeen kaga hadlayn fadliga barashada qur'aanka kariimka .

Sh.Nuur Macalim oo caan ku ah fidinta Dinta Islaamka .ayaa ku dheeraaday in qofku ilaalsado diintiisa taa soo ku imaanaysa barashada iyo ku dhaqanka kitaabka qur'aanka kariimka waxaa kalo u sheegay in dadka maanta ay naftooda iyo maalkooda oo kaliya ay la baqayaan iyagoo aan dareemayn dhibaatada lala maaganyahay Diintooda.

Sh.Yuusuf Ceynte ayaa isna gabadha qur'aanka dhamaysay ee Caa'isha ku tilmaamay mid uu alla siiyay wixii ugu kheyr badnaa aduunka waxaa uu sheegay in aduunka uu san jirin kitaab loo la diriray sida kan Qur'aanka .

Sh.Xasan Dheere oo isna halkaas kahadlay ayaa sheegay in Qur'aanku ka hadlayo danaheena ayna wanaagsantahay inaan barano kuna dhaqano .

Xafladan ayaa culumadii kele ee ka hadashay waxay ugu duceeyeen waalidka dhalay Caa'isha iyo macalinkeeda in Illaahay ka ajarsiiyo iydana ku anfaco Qur'aanka ay baratay

Gabagabdi Xaflada waxaa nashiidooyin ku saabsan barashada Qur'aanka ka aqriyay qaar ka mid ah ardayda dhigata dugsiga Salaaxu Diin Al-ayuubi.